Sot, më 3 qershor 2022 ka përfunduar me sukses trajnimi një javor me temë:“ Hyrje në ndërmjetësim dhe aftësitë e komunikimit“. Pjesëmarrës kanë qenë 21 zyrtarë policorë nga të gjitha njësitë policore të rajonit të Gjakovës dhe Prizrenit.

Qëllimi i trajnimit ka qenë njohja me konceptin e qasjes së ndërmjetësimit në detyrat dhe obligimet ditore të zyrtareve policorë gjatë punës në ndërveprim të afërt me komunitetet lokale dhe qytetaret në përgjithësi.

Trajnimi u realizua nga Divizionit i Trajnimeve në bashkëpunim dhe përkrahjen e organizatës Gjermane CSSP – “Qendra e Berlinit për Ndërmjetësim Integrues”. Ligjërues kanë qenë ekspert ndërkombëtarë dhe instruktor nga Policia e Kosovës.