Stafi i Drejtorisë Rajonale të Policisë në Ferizaj, ka prezantuar analizën e raportit mujor për mujain gusht 2021, të krahasuar me muajin gusht 2020, ku në këtë takim prezent ishin edhe komandantët e stacioneve të policisë dhe shefat e njësive rajonale të kësaj drejtorie..

Në këtë takim , veç tjerash është diskutuar situata e sigurisë, e cila është vlerësuar e qetë në rajonin e Ferizajt, ndërkaq është paraqitur nevoja që të shtohen aktivitetet dhe masat e policisë në disa fusha, me theks të veçantë, parandalimin e aksidenteve në komunikacion. Ndërsa sfidë për policinë rajonale është vlerësuar të jetë Pandemia Covid-19 , e cila kërkon angazhim për policinë 24 orë në ditë.

Po ashtu nga komandantët e stacioneve dhe njësive rajonale, është kërkuar që të shtohen aktivitetet e policisë edhe në fusha tjera si : grumbullimi i informacioneve për vjedhjet dhe vjedhjet e rënda , grabitjet, krimin e organizuar, drogat, informacione rreth kapjes së personave të kërkuar me urdhëresë nga gjykata etj .

Fill pas këtij prezantimi të këtij raporti, është mbajtur takimi tjetër me koordinatorin rajonal për zbatimin e Strategjisë së Integruar të Policimit të Drejtuar nga Inteligjenca dhe Policimit në Bashkësi, 2021-2025, referuar Planit të Veprimit, siç parashihet më këtë strategji.

Në fund të këtij takimi u përcaktuan edhe prioritetet e policisë rajonale për ditët në vijim , që rajoni ynë të kalojë pa incidente dhe aksidente në komunikacionin rrugor.