Në Drejtorinë Rajonale të Policisë Ferizaj u mbajt një takim me temë: “Dhuna në familje”, ku u trajtuan aspekte të rëndësishme lidhur me këtë dukuri shqetësuese.

Gjatë takimit u diskutuan:

– Statistikat e rasteve të dhunës në familje në rajonin e Ferizajt,

– Legjislacioni që rregullon trajtimin e këtyre rasteve,

– Procedurat e bashkëpunimit me institucionet përkatëse,

– Trajtimi profesional i rasteve nga ana e Policisë dhe

-Procedura e Standardeve të Operimit (PSO) për monitorimin elektronik të urdhërave mbrojtës.

Në këtë takim morën pjesë përfaqësues nga Drejtoria për Parandalimin e Dhunës në Familje, Gjykata Themelore, Qendra për Punë Sociale e Ferizajt, Shtëpia e Sigurt (Strehimore), Mbrojtësit e Viktimave, hetuesit primarë të rasteve të dhunës në familje, si dhe shefat e hetimeve nga stacionet policore të Ferizajt, Kaçanikut, Shtimes, Shtërpcës dhe Hanit të Elezit.

Qëllimi i këtij takimi ishte ngritja e profesionalizmit në trajtimin e rasteve të dhunës në familje, me synim që viktimat të marrin mbështetjen dhe mbrojtjen e nevojshme në mënyrë sa më efektive dhe të dinjitetshme.

Policia Rajonale e Ferizajt fton qytetarët që të raportojnë menjëherë çdo rast të dhunës në familje, duke u drejtuar në:

Stacionin më të afërt të Policisë,Aplikacionin digjital “Lajmëro Policinë”, ose

Numrat kujdestarë: 192, 0290/326-250 dhe 0290/322-406.

Të dhënat tuaja do të trajtohen me konfidencialitet të plotë.

Së bashku mund të kontribuojmë për një shoqëri të sigurt dhe të drejtë!