Me datë 15 dhjetor 2021 duke filluar në ora 11:00 stacioni policor në Suharekë, ka realizuar takim zyrtar sipas Metodologjisë së Policimit në Bashkësi me përfaqësuesit e DKA-së si dhe drejtorët e shkollave të komunës së Suharekës.

Rendi i ditës ndër të tjera, është fokusuar në shtyllën e bashkëpunimit mes PK-së në rastin konkret stacionit policor në Suharekë dhe partnerëve në komunitet, gjithnjë me qëllim të fuqizimit edhe më shumë të “Filozofisë së Preventives Policore”, mbi bazën e të cilës realisht edhe ekziston metodologjia e punës policore në komunitet.

Duhet theksuar se në këtë takim të planifikuar, është diskutuar në lidhje me bashkëpunimin sa më të ngushtë të përfaqësuesve të shkollave të komunës së Suharekës me stacionin policor në Suharekë, në drejtim të parandalimit të çfarëdo incidenti të mundshëm qoftë brenda për brenda zonës shkollore apo edhe jashtë saj, me qëllim që të kemi një rend, qetësi dhe siguri publike si për nxënësit, fëmijët dhe komunitetin në përgjithësi.

Me takim të tilla u pajtuam që të vazhdojmë në frymën e ruajtjes së rendit, qetësisë dhe sigurisë publike në bashkësi duke dhënë secili partner në komunitet kontributin e tij qytetar për një siguri më të mirë publike për të gjithë pa dallim.

Takimi ndërinstitucional mes partnerëve PK-së -Stacioni Policor në Suharekë dhe DKA-së e Komunës së Suharekës, është vlerësuar lartë nga të gjithë të pranishmit.

Në këtë takim ishin pothuajse të gjithë përfaqësuesit e shkollave në Komunën e Suharekës.