Sot, në Drejtorinë e Përgjithshme të Policisë së Kosovës, drejtori i Përgjithshëm i Policisë së Kosovës, kolonel Gazmend Hoxha me bashkëpunëtorë, priti në takim përfaqësues nga SHSKUK-ja, të udhëhequr nga drejtori i SHSKUK-së z. Elvir Azizi. Qëllim i takimit ishte vazhdimi i Marrëveshjes së Bashkëpunimit në mes të SHSKUK-së dhe PK-së për ofrimin e Shërbimeve Mjekësore dhe Psikologjike për personelin policor dhe rekrutët (kadetët policorë). Ky memorandum u nënshkrua sot më 3.12.2024 nga drejtori i Përgjithshëm i PK-së kolonel Gazmend Hoxha dhe nga drejtori i SHSKUK-së z. Elvir Azizi. Memorandumi i Bashkëpunimit deri në këtë fazë të zbatimit ka rezultuar shumë i suksesshëm me kontrollimet mjekësore /psikologjike për rekrutët e rinj të PK-së dhe kontrollimi sistematik i punonjësve të PK-së, të cilat janë realizuar në QKUK për rekrutët dhe punonjësit e PK-së nga rajoni i Prishtinës si dhe të atyre nga të gjitha Drejtoritë Rajonale të PK-së në spitalet e përgjithshme të SHSKUK-së.