Sot, në ambientet e drejtorisë së përgjithshme të Policisë së Kosovës ishte për një vizitë zyrtare z. Waddoups, shef i INL- Ambasada amerikane, i cili u prit në takim nga Drejtori i Përgjithshëm i Policisë së Kosovës z. Samedin Mehmeti dhe stafi menaxherial.

Në këtë takim u diskutuan tema të ndryshme që ndërlidhen me fushën e sigurisë dhe bashkëpunimit të ndërsjellët, ku njëherit drejtori Mehmeti falënderojë Ambasadën amerikane dhe z. Waddoups për bashkëpunimin dhe mbështetjen e vazhdueshme ndaj Policisë së Kosovës në ngritjen e kapaciteteve të saj në fusha të ndryshme.