Sot, me datën 03.11.2023, drejtori i Përgjithshëm i Policisë së Kosovës, kolonel Gazmend Hoxha me bashkëpunëtorë, priti në takim zyrtar znj. Krenare Sogojeva Dermaku – komisionere e Agjencisë për Informim dhe Privatësi.

Gjatë këtij takimi u diskutua lidhur me çështjet që konsiderohen të rëndësishme për qasjen në dokumente publike dhe mbrojtjen e të dhënave personale si dhe avancimin e mëtejmë të bashkëpunimit në mes të Policisë së Kosovës dhe Agjencisë për Informim dhe Privatësi.