Sot, me 05.04.2023 në orën 11:00, në Prishtinë u mbajt konferencë e organizuar nga Policia e Kosovës, ku nënkolonel Jeton Rexhepi – drejtor i Divizionit të Komunikacionit Rrugor në PK, ofroi informacione relevante dhe raportoi lidhur me raportet dhe statistikat analitike mbi gjendjen në trafikun rrugor në Republikën e Kosovës, për periudhën tre mujore të këtij viti, krahasuar me periudhën e njëjtë të vitit të kaluar, ku vërehen rënie të aksidenteve në përgjithësi. Gjithashtu u prezantuan edhe statistika krahasuese lidhur sigurinë rrugore në nivel rajonal për periudhën 2019-2022, ku sipas raportit evropian Kosova ka rënie për -5% të aksidenteve rrugore.