Mitrovicë Jugu, 17 maj 2024

Drejtoria Rajonale e Policisë në Mitrovicën e Jugut, po vijon me zbatimin e masave të sigurisë në trafikun rrugor. Në zbatimit të planit operativ njësitet e Task Forcës, përveç patrullimit në lëvizje, pikave të kontrollit me radar, po operojnë në mënyrë të modifikuar ku rrjedhën e trafikut po monitorojnë edhe me dron dhe video incizime.

Përveç angazhimeve të përgjithshme në trafikun rrugor, njësitet e Task Forcës, gjatë kësaj jave në fokus të kontrollit kanë pasur edhe monitoruar segmentet rrugore në identifikimin e kundërvajtësve në tejkalime në vijë të plotë, ku në saje të angazhimeve të Task- Forcës gjatë periudhës kohore prej 01 deri me 15 maj 2024, janë identifikuar dhe ndëshkuar 78 kundërvajtës për tejkalime ne vije te plotë, ndërsa gjithsejtë janë ndëshkuar 2847 kundërvajtës për kundërvajtje të ndryshme.

Tejkalim në vijë të plotë: 78

Mos respektimi i shpejtësisë së kufizuar: 1119

Mos respektim i semaforit 31

Drejtimi i mjetit pa patentë shofer: 74

Mos vënie e rripit të sigurisë: 92

Përdorimi i telefonit mobil gjatë drejtimit të mjetit: 237

Kundërvajtje tjera, bazuar në ligjet në fushën e trafikut rrugor: 1216

Policia, apelon tek të gjithë pjesëmarrësit në trafikun rrugor që t’ u përmbahen dhe t’ zbatojnë rregullat e sigurisë në trafik.