Prishtinë,
9 shtator 2015

Policia  e Kosovës gjatë
përpjekjeve të saj intensive në zbatimin e planeve policore dhe strategjive për
luftimin e dukurive negative, krimit të organizuar, luftimin e trafikimit me
substanca narkotike dhe konfiskimin e armëve ilegale, në mënyrë efikase ka
realizuar edhe operacionet në vazhdim:

Rasti 1.

Dje, me datën 8 shtator 2015 duke filluar nga ora 14:00, Policia e
Kosovës, respektivisht Departamenti i Policisë Kufitare ka realizuar një
operacion policor në Prishtinë, ku ka kryer bastisjen e një shtëpie dhe një
restoranti, me ç’rast janë arrestuar dy persona, nën dyshimin e bazuar se të
njëjtit po kryenin verën penale ‘kontrabandim me migrantë’.

Personat
e arrestuar në këtë rast janë:

·        R.
G.                     
lindur me
1965                       
m/sh/k

·        D. G.                     
lindur me
1990                       
m/sh/k

Me
këtë rast në cilësi të provave janë gjetur dhe janë konfiskuar qindra dokumente
dhe kopje të tyre, si:

·        pasaporta,

·        certifikata,

·        formularë,

·        gjashtë vula,

·        29 municione (fishekë) të kalibrit 7.62 ,

·        një sasi e vogël e narkotikëve  e
llojit marihuanë dhe kokainë dhe materiale për paketimin e  këtyre
narkotikëve,

·        një shufër e metalit të llojit të
policisë,

·        dy boksa të metalit etj.  (Të
bashkangjitura gjeni fotot e rastit)

Të arrestuarit, gjithashtu dyshohen
se  me qëllim të përfitimit material, në mënyrë të organizuar dhe
bashkëpunim, përmes rrugëve ilegale apo me dokumente të
falsifikuara,  kanë  dërguar apo tentuar të dërgojnë shtetasit
kosovarë drejt vendeve të Bashkimit Evropian, prandaj ekziston dyshimi i bazuar
se të dyshuarit e lartcekur kanë  kryer   veprat
penale,  ‘kontrabandim  me migrantë’, ‘falsifikim  i
dokumenteve’, ‘trafikim i narkotikëve’    dhe ‘posedim i
paautorizuar i armëve dhe municionit’. 

           
Operacioni i bastisjeve  dhe arrestimeve  është kryer me urdhër të
Prokurorisë, respektivisht Gjykatës   Themelore në Prishtinë dhe të
dyshuarit dërgohen në mbajtje.

Rasti
2.

Në një
rast tjetër  në rajonin e Gjakovës me datë 8 shtator 2015, rreth orës 06:00
të mëngjesit, me realizimin e operacionit policor, gjatë kontrollit në një
objekt banimi në fshatin Damanek të Komunës së Malishevës është arritur që të
arrestohet një i dyshuar, nën dyshimin e bazuar se i njëjti po kryente veprën
penale ‘import-eksport, furnizim, transportim, prodhim, këmbim, ndërmjetësim’
ose ‘shitje e paautorizuar e armëve’.

I
dyshuari i arrestuar për këtë rast është:

• H. K.                lindur me
  1954                        m/sh/k

Në cilësi
të provave materiale janë gjetur dhe janë konfiskuar:

• 1
  automatike AK-47, kal. 7.62 mm
• 1 pushkë
  10-she, kal. 7.62 mm
• 1 pushkë
  karabina, kal. 8×57 mm
• 1 pushkë
  ajrore (sportive),
• 166 copë
  fishekë  diabola,
• 3 copë
  fishekë , kal. 8×57,
• 2
  karikatorë për AK-47.

I dyshuari me urdhër të prokurorit të  Prokurorisë
Themelore në Gjakovë, Departamenti për Krime të Rënda, ka urdhëruar
  ndalimin  për 48 orë, ndërsa  provat materiale janë
konfiskuar për procedim të mëtutjeshëm.

Me respekt

Zyra për Informim e PK-së