Prishtinë, 25 maj 2017

Policia e Kosovës, në vazhdën e luftimit të dukurive kriminale, ka zhvilluar një hetim të cilin e ka realizuar Sektori Qendror i Hetimeve të Trafikimit me Njerëz i Drejtorisë për Hetimin e Trafikimit me Qenie Njerëzore. 

Hetimi është udhëhequr nga Prokuroria Themelore, Departamenti për Krime të Rënda në Prishtinë. Gjatë hetimit është zbatuar urdhëresa e gjykatës për masa të fshehta të hetimit dhe zbulimit. 

Me datën 24 maj 2017 janë arrestuar pesë persona nën dyshimin e bazuar për përfshirje në veprat penale ‘mundësim apo detyrim në prostitucion’ dhe ‘bashkëkryerje”.

Me aktvendim të prokurorit kompetent janë dërguar në mbajtje për 48 orë tre të dyshuarit: 

• B. K.                viti i lindjes 1962                  m/sh/k

• M. K.              viti i lindjes 1994                  m/sh/k

• A. R.               viti i lindjes 1995                  m/sh/k

Kurse dy të dyshuara janë liruar në procedurë të rregullt:

• A. B.                viti i lindjes 1989                  f/sh/k

• N. H.               viti i lindjes 1999                  f/sh/k

Gjatë realizimit të këtij plani janë gjetur dhe janë konfiskuar prova relevante për rastin. 

Me respekt,

Zyra për Informim dhe Marrëdhënie me Publikun e PK-së