Policia e Kosovës, përkatësisht njësitet Task Forcë nga Policia Kufitare Lindje, në bashkëpunim me Doganën e Kosovës kanë intensifikuar kontrollet taktike dhe operacionale në terren, si zbatim i masave për parandalim dhe luftim të kriminalitetit dhe dukurive të tjera negative.

Me datë 04.10.2023 nga njësitë e lartcekura në rrugën malore të fsh Malinë-RMV që lidhet me fsh.Lubishtë-RKS, është vënë re një person i dyshuar i cili kishte ngarkuar tre kuaj me duhan të llojeve të ndryshme, me ç’rast i njëjti pas ka vërejtur zyrtarët policor është larguar nga vendi i ngjarjes.

Lidhur me rastin është njoftuar prokurori kompetent, me urdhër të të cilit sasia e duhanit të ngarkuar i llojeve:

· Marlboro 220 pako me peshë rreth 500 gram copa,

· Duhan Sobrano 100 pako me peshë rreth 500 gram copa,

· Duhan Davidof Argentina 20 pako me peshë rreth 500 gram copa,

· Duhan Davidof Slims 100 pako me peshë rreth 500 gram copa, si dhe

·Duhan Oriental 60 pako me peshë rreth 500 gram copa, është dërguar në terminalin doganor përkatës, ndërsa kafshët/kuajt tërhiqen përmes kompanisë së kontraktuar nga Dogana e Kosovës.