Divizioni i Policisë në Bashkësi, në kuadër të aktiviteteve për ngritje e bashkëpunimit mes policisë dhe qytetarëve, më 09.08.2023, ka mbajtur ligjëratë për policët e ri të gjeneratës së 58-të të PK-së, të cilët punojnë në Drejtorinë Rajonale të Policisë në Mitrovicën e Veriut.

Në ketë aktivitet, fokus të veçantë i është dhënë temës se “Partneriteti me qytetarë” dhe “Roli i forumeve të sigurisë” e që ndërlidhen me projektin “Patrullo dhe Bisedo”.

Zyrtarët e ri policorë, u udhëzuan që t’iu referohen këtyre pikave:

·Qasja pro-aktive e punës policore ndaj problemeve në bashkësi, sidomos në rrethanat e tensionimit;

·Zhvillimi dhe metodat e praktikave të komunikimit dhe të bashkëpunimit me pakicat, por edhe me të tjerët;

·Partneriteti me bashkësinë;

·Metodat inter-aktive të cilat mundësojnë kontaktet të drejtpërdrejta në mes zyrtarëve policorë dhe qytetarëve dhe

·Njoftimi për rolin e forumeve të sigurisë.