Prizren, 21 shkurt -Rreth orës 12:55, policia në Prizren ka pranuar një informatë e cila bënte me dije për një rrahje e cila ishte duke ndodhur në Lagjen Dardania, përkatësisht në pompën e karburanteve “Petroll Kompani”. Një patrullë policore që ka qëlluar me patrullim më afër këtij lokacioni është nisur në atë drejtim dhe me të arritur në vendin e ngjarjes kanë parë një person që mbante në duar një kallashnikov. Policia ka urdhëruar që i dyshuari ta lëshon armën në tokë, gjë të cilën e ka bërë e më pas është vënë situata nën kontroll. Katër persona kanë kërkuar ndihmë mjekësore në emergjencën e spitalit rajonal për shkak të lëndimeve të marra me mjete të forta. Për në Stacionin policor janë shoqëruar nëntë persona,të gjithë si të dyshuar për pjesëmarrje në rrahje. Prokurori i shtetit, drejtori rajonal dhe hetues policorë kanë kryer hetime në vendin e ngjarjes. Janë bastisur tri objekte dhe pesë automjete në kërkim të provave materiale. Mbetet në kompetencë të prokurorit se a do të shqiptohet masa e ndalimit policor për të dyshuarit apo do të lihen të lirë. Motivi i kësaj rrahje mendohet të jetë hidhërim për çështje pronësore.