Mitrovicë Veri , 18 dhjetor 2024

Si rezultat i hetimeve të zhvilluara, hetuesit e Sektorit të Hetimeve në kuadër të Stacionit Policor Mitrovicës Veri, kanë identifikuar dhe arrestuar një person të dyshuar (i mitur) për veprën penale “Vjedhje e Rëndë”.

Arrestimi i të dyshuarit është kryer mbi dyshime të arsyeshme dhe prova të siguruara, se më 27 nëntor 2024, në një biznes privat, ka kryer veprën penale “Vjedhje e Rëndë”.

I dyshuari është intervistuar në prani të avokatit mbrojtës dhe të zyrtarit të Qendrës për Punë Sociale.

Pas intervistimit, personi i dyshuar është liruar dhe rasti ka vazhduar në procedurë të rregullt.