Pejë, 14 nëntor 2024

Drejtoria Rajonale e Policisë nё Pejё, Stacioni Policor Klinë, me datën 13.11.2024, rreth orës 17:17 minuta ёshtё njoftuar se në sheshin “Mujë Krasniqi” në një lokal në Klinë ka të shtëna me armë zjarri.

Njësitet relevante të Stacionit Policor Klinë, menjëherë kanë shkuar në vendin e ngjarjes, aty kanë kuptuar se dy (2) persona ishin të plagosur nga arma e zjarrit, ku për njërën nga viktimat mjeku kujdestar ka konstatuar vdekjen në vendngjarje kurse i lënduari tjetër është dërguar për në QMF në Klinë, e më pastaj është udhëzuar për në Spitalin Rajonal në Pejë. Mjeku kujdestar në Emergjencën e Spitalit Rajonal ka konstatuar se viktima është sjellë në spital pa shenja jete. Në vendngjarje janë sekuestruar:

– një (1) revole CANIK9x19

– një ()1 karikator

– katër (4) fishekë

– tri (3) gëzhoja

Trupat e pajetë të viktimave, me urdhër të prokurorit të Shtetit, janë dërguar për në IML.

I dyshuari J. H. është arrestuar dhe pas intervistimit me urdhër të prokurorit të Shtetit është ndaluar për 48 orë.