Prizren, 28 dhjetor 2023

Me datën 27.12.2023 Stacioni Policor Prizren ka pranuar informacion se në rrugën ‘’Edit Durham’’ në Prizren është një rast i dhunës në familje.

Njësitet policore menjëherë i janë përgjigjur rastit duke lokalizuar, identifikuar dhe arrestuar të dyshuarin M.O. (viti i lindjes 1952) i cili dyshohet se pas një mosmarrëveshje ka ushtruar dhunë fizike ndaj bashkëshortes së tij.

Sektori i hetimeve të Stacionit Policor në Prizren gjatë hetimit të rastit ka gjetur prova se i dyshuari posedon edhe armë pa leje dhe gjatë kontrollit është gjetur dhe sekuestruar:

• Një pistoletë e llojit XDM 9,

• Dy karikator i armës dhe

• Pesëdhjetë copë fishekë.

Prokurori i shtetit ndaj të dyshuarit ka lëshuar masën e ndalimit për 48 orë dhe ndaj tij do të ngritët kallëzim penal për veprat penale ‘’Dhunë në familje’’, ‘’Lëndim i lehtë trupor’’ dhe ‘’Mbajtja në pronësi, kontroll ose posedim të paautorizuar të armëve’’.