Drejtoria Rajonale e Policisë, njësia policore intervenuese nga stacioni policor në Dardanë me 24.02.2022 si dhe Njësia e hetimeve, pasi kanë pas informata kredibile dhe duke mbështetur në urdhër kontrollin me nr, PP.I.nr.20.2022 lëshura nga Gjykata Themelore Gjilan–Departamenti për krime të rënda, kanë kontrolluar shtëpinë dhe objektet përcjellëse , pronë e personit F. Xh.

Gjatë kontrollit është gjetur dhe konfiskuar një pushkë gjuetie “Double Barrel” cal. 16 mm prodhim Jugosllavë, dhe gjashtë copë (6) fishek të cal. 1 GA, i dyshuari posedonte armën pa leje valide që nga viti 2010.

Është njoftuar prokurori i shtetit, i cili ka urdhëruar që arma të konfiskohet, ndërsa ndaj të dyshuarit të ushtrohet Kallëzim penal me dyshimin për veprën penale, “Mbajtje në Pronësi, kontroll ose posedim të pa autorizuar të armëve” Neni 366. Rasti i referohet Prokurorisë në procedurë të rregullt.