Pejë, 13.2.2014
Policia e Kosovës, përkatësisht Njësiti i Komunikacionit Rajonal pranë Drejtorisë Rajonale në Pejë, me datën 13.2.2014 rreth orës 13:49, në rrugën Klinë – Gjakovë, në fshatin Gremnik komuna Klinë, i është përgjigjur një aksidenti në komunikacionin rrugor, i cili ka rezultuar me lëndime të rënda trupore dhe fatalitet, si dhe dëme materiale.Në këtë aksident ishin përfshirë dy automjete me targa regjistrimi vendor, njëra e tipit “Ford “, ndërsa tjetra e tipit “Opell”.Në lidhje me rastin njoftohet prokurori i shtetit i cili ka marrë pjesë në vendin e ngjarjes.Si pasojë e aksidentit kanë humbur jetën dy persona dhe janë lënduar tre të tjerë si dhe shkaktohen dëme materiale. Rasti do të procedohet në Prokurorinë e shtetit nga hetuesit e Njësitit të Komunikacionit Rajonal të DRP Pejë.