Në vazhdën e aktiviteteve ndërgjegjësuese dhe parandaluese Policia e Kosovës/Drejtoria për Polici në Bashkësi dhe Parandalim mbështetur nga Misioni i OSBE në Kosovë ka organizuar punëtorin e me temën “Parandalimi i Përdorimit të Lëndëve Narkotike dhe Siguria në Shkolla”.

Ky aktivitet është mbajtur më 26 shkurt 2025, në Ferizaj.

Seminari kishte për qëllim sensibilizimin dhe edukimin e nxënësve, mësuesve, prindërve dhe zyrtarëve policorë për pasojat e përdorimit të lëndëve narkotike dhe mënyrat efektive për të parandaluar këtë fenomen në shkolla.

Ky aktivitet ofrojë mundësinë për të diskutuar së bashku rolin e secilës palë në parandalimin e përdorimit të drogës dhe forcimin e bashkëpunimit ndërmjet institucioneve të arsimit, qendrës për pune sociale dhe Policisë se Kosovës.

Diskutimet u përqendruan në:

Rrezikun e abuzimit me drogat dhe ndikimin e tij në shëndet dhe mësim.

Politikat dhe masat e parandalimit të përdorimit të lëndëve narkotike.

Përmirësimin e kapaciteteve për të identifikuar dhe trajtuar rastet e reja.

Këshilla praktike për mësuesit për të krijuar një mjedis shkollor të sigurt.

Në këtë punëtori morën pjesë 33 pjesëmarrës nga Institucionet shkollore: Profesor, Pedagog, Psikolog, Nxënës, përfaqësues nga Qendra për Punë Sociale, Polic Hetues, Policet e Sektorëve (Policet e Lagjes)etj.