Me ftesë të drejtorit të përgjithshëm të policisë turke, Drejtori i përgjithshëm i PK-së Kolonel Gazmend Hoxha i shoqëruar nga stafi i lart menaxhues, po marrin pjesë në panairin e sigurisë dhe pajisjeve policore, i cili po mbahet në Ankara të Turqisë.

Gjatë qëndrimit në vitë zyrtare në Ankara, drejtori Hoxha me bashkëpunëtorë, realizoi një takim mjaft të rëndësishëm me zëvendësministrin e punëve të brendshme të Turqisë, z.Münir Karaloğlu, me të cilin diskutuan tema të ndryshme në fushat me ineres të përbashkët, si luftimi i terrorizmit, krimit të organizuar, krimit trans kufitar, bashkëpunimit ndërkombëtar dhe atë të trajnimeve policore.

Të dy palët u dakorduan që të bashkëpunojnë në interes të organizatave policore si dhe të shkëmbejnë përvoja e trajnime në fusha të ndryshme policore.