Mitrovicë, 11 korrik 2024

Drejtoria Rajonale e Policisë në Mitrovicën e Jugut, në vazhdimësi po ndërmerr veprime parandaluese që kanë për qëllim sensibilizimin e qytetarëve për pasojat dhe rreziqet nga zjarret. Policia në Rajonin e Mitrovicës së Jugut, ka filluar shpërndarjen e fletëpalosjeve për qytetarë. Në fletëpalosje janë përshkruar dhe janë ilustruar këshilla elementare që kanë të bëjnë me vetëdijesimin dhe parandalimin e zjarreve në pyje, fusha dhe sipërfaqe tjera:

– mos ndez zjarre në ara, fusha-pyje

– kujdes në hedhjen e mbetjeve qe shkaktojnë zjarr

– një shkëndi e vogël zjarri mund të ketë pasoja të paparashikueshme

– kujdes, zjarret nuk ndodhin ato shkaktohen

Ky aktivitet, synon të rrisë objektivat e përbashkëta, siç është parandalimi i zjarreve dhe ndërgjegjësimi i komunitetit.

Policia apelon të gjithë qytetarët që të jenë vigjilent në shmangien e gjithë shkaktarëve të mundshëm të zjarrit.