Stacioni Policor në Rahovec, Njësia Ndërlidhëse me Gjykata pas mbledhjes së informatave përmes rrugëve operative dhe hetimore lidhur me vendndodhjen e personit me inicialet R. Sh., i lindur në vitin 1980, shtetas i Republikës së Kosovës, i kërkuar me Urdhër arrest të lëshuar nga Gjykata për veprën penale “Vjedhje” dhe “Vjedhje e rendë”, me datën 13.12.2023 është arritur të bëhet arrestimi i tij. Pas kompletimit të dokumentacionit i njëjti është dërguar në vuajtje të dënimit në Qendër Korrektuese, në kohëzgjatje prej një (1) viti.

Drejtoria Rajonale e Policisë në Gjakovë mbetet e përkushtuar në arrestimin dhe sjelljen para organeve të drejtësisë të personave të dyshuar.