Prishtinë, 18 korrik 2023 – Nga zyrtarët e stacionit policor në Lipjan, janë arrestuar tre persona të dyshuar për rastin lëndim i lehtë trupor, të ndodhur sot rreth orës 08:00, në fshatin Sllovi të komunës së Lipjanit.

Ndaj të dyshuarve;

▪︎ F. B, mashkull, 62 vjeç, shtetas i Republikës së Kosovës,

▪︎ Z. B, mashkull, 50 vjeç, shtetas i Republikës së Kosovës,

▪︎ P. B, mashkull, 34 vjeç, shtetas i Republikës së Kosovës, policia shqiptoi masën e arrestit policor dhe me aktvendim mbi ndalimin e personit të dyshuar të nxjerrë nga ana e prokurorit të shtetit të dyshuarit u dërguan në qendrën e mbajtjes prej 48 orësh.

Ndërlidhur me rastin policia ka ka kryer edhe një operacion bastisjeje si dhe ka sekuestruar;

▪︎ Një revole me gaz, të tipit Ekol Special, si dhe,

▪︎ Pesë copë fishekë.

Përderisa policia po punon për zbardhjen e plotë të rrethanave të ngjarjes, me rekomandimin e prokurorit të shtetit është iniciuar hetim në drejtim të veprave penale “Lëndim i lehtë trupor” si dhe “Mbajtje në pronësi kontroll ose posedim të pa autorizuar të armës”.