Prishtinë, 02 shkurt 2023 – Policia e rajonit të Prishtinës po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale.

Në kontekstin e kësaj në një operacion të befasishëm që policia stacionit policor të Podujevës ndërmori sot në rrugën “Ilir Konushevci” në Podujevë, arriti të arrestoj personin e kërkuar, i cili deri më sot ishte në arrati;

B. A, mashkull, 42 vjeç, shtetas i Republikës së Kosovës.

Gjykata Themelore në Prishtinë kishte nxjerrë urdhëresë për kapjen e tij, pasi që i njëjti ishte dënuar me dy vite burgim, për veprën penale ” Lëndim i lehtë trupor”.

I njëjti pas arrestimit nga ana e policisë është dërguar në vuajtje të dënimit.