Takimin e udhëhoqi zëvendëskomandanti i stacionit policor në Ferizaj, Kapiten Ismet Dërvishi i shoqëruar edhe me polic të njësisë në komunitet.

Temë diskutimi e këtij takimi , veç tjerash ishte situata e sigurisë në qytetin e Ferizajt, e cila u vlerësua të jetë e qetë dhe stabile. Ndërkaq u diskutua për hapat që do të ndërmerren për parandalimin e gjuetisë ilegale dhe bashkërendimin e aktiviteteve për ti parandaluar aktivitetet joligjore në mbrojtje të Faunës dhe Natyrës në përgjithësi në qytetin e Ferizajt.

Ndërsa, përfaqësuesit e Shoqatës së Gjahtarëve falënderuan policinë e Ferizajt për takimin dhe gatishmërinë për të ndihmuar dhe bashkëpunuar me shoqatën .

Të dyja institucionet u zotuan që të do të vazhdojnë bashkëpunimin e ndërsjellë me qëllim parandalimin e gjuetisë ilegale dhe dukurive tjera negative në shoqëri.

U përcaktuan edhe prioritetet e policisë për ditët në vijim, ndaj të gjithë atyre që veprojnë në kundërshtim me ligjet në fuqi, policia do të jetë e pa kompromis.