Temë diskutimi e këtij takimi ishte dhuna në familje si dukuri, statistikat e rasteve të dhunës në familje në DRP-Ferizaj, legjislacioni për rastet e dhunës në familje, bashkëpunimi me institucionet që merren me trajtimin e rasteve të tilla, si dhe trajtimi i rasteve të dhunës në familje nga ana e policisë.

Në këtë takim janë diskutuar edhe rekomandimet e IPK së , të dala nga inspektimi i fundit për rastet e dhunës në familje .

Në këtë takim morën pjesë : të gjithë hetuesit primarë të rasteve të dhunës në familje dhe shefat e hetimeve të stacioneve policore : Ferizaj, Kaçanik, Shtime , Shtërpcë dhe Hani Elezit .

Policia Rajonale e Ferizajt kësisoj synon të ngritë profesionalizmin për trajtimin e rasteve të dhunës në familje, që në mënyrë sa më profesionale ti trajtojë viktimat e dhunës në familje, dukuri kjo që po e përcjellë shoqërinë tonë.

Me këtë rast, Drejtoria Rajonale e Policisë në Ferizaj fton qytetarët që për të gjitha rastet e dhunës në familje të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.

Të dhënat e juaja do të ruhen në konfidencialitet të plotë.