Prishtinë, më 16 gusht 2021

Policia e Kosovës, njësitet relevante të trafikut rrugor në rajonin e Gjakovës prej muajit Korrik deri me 15 Gusht, përmes Task Forcës ka implementuar planin operativ “Alkooli”, me ç’rast për shkak të përdorimit të alkoolit nga vozitësit (drejtuesit e automjeteve) si masë mbrojtëse janë konfiskuar: 216 patent shofer, ndërsa është bërë matja e nivelit të përdorimit të alkoolit ndaj 1382 vozitësve.

Duke marr parasysh se çdo vit evidentohen aksidente fatale të shkaktuara nga vozitësit e dehur, qëllimi i planit ka qenë i fokusuar në këto pika:

ü Ngritja e sigurisë rrugore,

ü Vetëdijesimi i vozitëse që mos ta ngasin automjetin nën ndikimin e alkoolit,

ü Masat e ndërmarra preventive përmes fushatave vetëdijesuese, mediave dhe masave ndëshkuese për shkelësit e ligjit.

Efekti i dëshiruar është arritur, për shkak se prej kohës kur ka filluar implementimi i planit operativ në rajon, nuk janë evidentuar aksidente me pasoja fatale dhe po ashtu vërehet vetëdijesim më madh i drejtuesve të mjeteve motorike.

Njësia Rajonale e Komunikacionit Rrugor në DRP-Gjakovë do të vazhdoj me marrjen e masave të ndryshme preventive dhe ndëshkuese, gjithmonë me qëllim të ngritjes së sigurisë rrugore dhe parandalimit të aksidenteve rrugore, sidomos ato me pasoja të rënda.