Drejtori i Përgjithshëm i Policisë së Kosovës z. Samedin MEHMETI priti në takim Ambasadorin Michael DAVENPORT, Kryesues i Misionit të OSBE-së në Kosovë.

Gjatë këtij takimi ndërmjet partnerëve u diskutua lidhur me intensifikimin e bashkëpunimit reciprok dhe angazhimet e përbashkëta në funksion të zbatimit të ligjit dhe garantimit të lirive dhe të drejtave njerëzore në përgjithësi.

Drejtori i Policisë MEHMETI falënderoi Ambasadorin DAVENPORT për vizitën dhe mbështetjen e deritanishme për Policinë e Kosovës, përderisa u zotuan për angazhimin e mëtejmë në ngritjen e kapaciteteve të Policisë së Kosovës.