Me datë 01 Korrik rreth orës 13:47, Stacioni Policor Jugu Mitrovicë, ka pranuar një informatë se në Rr,,Mbretëresha Teutë” në Mitrovicë kishte një mosmarrëveshje mes dy personave.

Policia menjëherë kanë dalë në vendin e ngjarjes dhe kanë pranuar informatën se një person i cili ishte i involvuar një rast, dyshohej se mund të kishte armë zjarri me vete.

Personi ishte duke qarkulluar me një automjet me targa të huaja dhe i njëjti person është arritur që të ndalohet nga policia në rr,,Bedri Gjinaj”, ku pas ndalimit personi nuk ka qenë bashkëpunues me policinë dhe ka filluar që të ikte këmbë, policia ka filluar ndjekjen e tij dhe pas rreth 100 metrash ja ka dalë që ta ndalojë të dyshuarin. Pasi është kontrolluar nga ana e policisë, në një çantë krahu të cilën ai e kishte me vete, i është gjetur një armë zjarri.

Si provë materiale nga policia është sekuestruar arma e llojit pistoletë-bereta, e kalibrit 7.65 mm, një karikator me 7 fishekë.

Në cilësi të të dyshuarit është intervistuar N.H- 20 vjeçar, ku pas intervistimit, me urdhër të prokurorit, i dyshuari është liruar në procedurë të rregullt., ndaj tij është iniciuar rasti për veprën penale “mbajtje në pronësi, kontroll ose posedim të pa-autorizuar të armëve”.