Aksidentet e shkaktuara apo vetë aksidentet në komunikacion, e të cilat jo rrallë herë përfundojnë me fatalitet, vazhdojnë të jenë shqetësuese në mbarë Kosovën, e kjo ndodhë edhe në qytetin e Gjakovës. Motoristët e të gjitha moshave, që për nga numri I tyre prezent në qytetin e Gjakovës është I madh, jo vetëm në brendi të qytetit, por edh jashtë po shkaktojnë pasiguri tek qytetarët nga ngasja e tyre e shpejtë dhe shumë herë e pa kontrolluar.

Policia e Kosovës – Drejtoria Rajonale e Policisë në Gjakovë, respektivisht Njësia Rajonale e komunikacionit rrugor, është në zbatim të Planit operativ “ Motoçikleta” në kontrollin e shtuar të komunikacion rrugor.

Brenda 48 orësh kjo Njësi ka lëshuar një numër të konsideruar të fletë gjobave –njëzetetre (23) , dhe larguar nga komunikacioni dhjetë (10) motoçikleta për mos regjistrim dhe për mos mbajtje të pajisjeve adekuate për ngasjen e mjetit të tillë.

Pasi që tashmë është në rritje numri i ngasësve të motoçikletave në rrugë, duke përfshirë edhe atë në të shumtën e rasteve ngasësit janë të rijnë në moshë, ku me këtë edhe shkaktojnë aksidentet të mundshme dhe për të parandaluar ketë Njësia e komunikacionit rrugor në Gjakovë nuk do ndalet gjatë tërë kësaj periudhe sa do të zgjasë dhe plani operativ.

Duke marr parasysh se aksidentet në trafik ku të involvuar janë motoçiklistët, zakonisht rezultojnë me lëndime të rënda trupore apo edhe fatalitet, andaj apelojmë tek ngasësit për respektim të ligjeve dhe rregullave në komunikacion.