Prizren, 13 gusht
Me 13.8.2014 rreth orës 07:00, policia në Prizren ka pranuar një informacion i cili bënte me dije se në fshatin Landovicë, me 10.8.2014 kishte të shtëna me armë zjarri. Pas një pune operative të njësitit patrullues dhe njësitit të hetimeve të stacionit policor në Prizren, është arritur që të identifikohet i dyshuari. Patrulla e policisë kanë dalë menjëherë në vendngjarje ku kanë kontaktuar me të dyshuarin S. M. i datëlindjes 1942, e gjejnë një armë të tipit AK -47 NS 9641-84 kalibrit 7.62 mm me 1 karikator pa fishek. Pas hetimeve fillestare grupi hetimor ka ardhur në përfundim se arma ishte përdorur në një dasmë/aheng familjar në këtë rast. Pas intervistës është informuar prokurori i shtetit i cili ka sugjeruar që provat materiale dhe shkresat e lëndës t’i kalojnë prokurorisë për procedura të mëtejme. Policia u bën thirrje qytetarëve që të heqin dorë nga kjo dukuri e të festojnë me zemër e jo me armë.