Pejë 26.2.2014
Policia e Kosovës nga stacioni policor në Pejë (patrulla e sektorëve), me datën 25/2/2014 rreth orës 10:30 në afërsi të “Urës së zallit” në Pejë, kanë ndaluar automjetin e llojit “TOYOTA” me targa të regjistrimit vendor të cilin ka qenë duke e drejtuar i dyshuari Sokol B. (1985), me banim në Pejë. I dyshuari pasi ka ndalur automjetin, për një moment derisa zyrtari policor ka qenë para automjetit të të dyshuarit, i njëjti me automjetin e tij largohet nga vendi i ngjarjes duke e goditur zyrtarin policor me pasqyrën e automjetit, mirëpo nuk i shkakton lëndime.Pas 15-minutave i dyshuari me automjet paraqitet në stacionin policor në Pejë, të cilit fillimisht i kontrollohet automjeti dhe më pas shtëpia e tij ku banon.Gjatë kontrollit të bërë nga njësiti i hetimeve dhe njësiti i ekipit reagues nga stacioni policor i Pejës, janë gjetur dhe konfiskuar një pushkë automatike prodhim CH003, një karikator, një kondak i armës,11-fishekë të cal. 7.62mm dhe një granatë dore e llojit C2 (granatën e ka tërhequr njësiti për deminim i FSK-së.)Të gjitha veprimet e bëra janë koordinuar me prokurorin e shtetit dhe gjyqtarin e Gjykatës Themelore në Pejë dhe të dyshuarit i është caktuar masa e ndalimit policor prej 48-orëve.Është iniciuar edhe rasti tjetër “mbajtje në pronësi, kontroll ose posedim të paautorizuar të armës”, si dhe “pengim i personit zyrtar gjatë kryerjes së detyrës zyrtare”.I dyshuari vazhdon të qëndrojë në ndalim policor, ndërsa kallëzimi penal me kohë është dërguar në kompetencë të Prokurorisë Themelore në Pejë.