18.02.2014 , magjistralja Ferizaj – Hani i Elezit
Një person ka vdekur dhe dy të tjerë janë lënduar nga pasojat e aksidentit të trafikut, që ndodhi në orët e pasditës në magjistralen Ferizaj – Hani i Elezit, në afërsi të fshatit Gërlicë. Njësitet policore në terren, kanë raportuar se në këtë aksident janë involvuar dy vetura. Vetura që shkonte në drejtim të Kaçanikut, për shkaqe tani për tani të panjohura, del në anën e kundërt të drejtimit të ngasjes, me ç’rast ndeshet me veturën tjetër që vinte nga drejtimi i Kaçanikut. Raportohet se personi që ka ndërruar jetë, është një 32 vjeçar nga komuna e Kaçanikut. Dy të lënduarit, janë bartur në Urgjencën e Spitalit të Ferizajt, ndërsa me urdhër të prokurorit, trupi i pajetë, dërgohet në Institutin e Mjekësisë Ligjore në Prishtinë.