13.2.2014, rruga Vëllezërit Çaka” Kaçanik
Në një aksident trafiku, të ndodhur sot rreth orës 16:00 në Kaçanik, ka humbur jetën një person.Ngjarja ka ndodhur në rrugën “Vëllezërit Çaka ”, ku sipas raporteve të para, ngasësi L. L. 20 vjeç, duke mos ua përshtatur vozitjen kushteve të rrugës në vendbanim, ka humbur kontrollin ndaj motoçikletës dhe godet murin pranë lumit, me ç’rast merr lëndime të rënda. Ngasësi i motoçikletës është dërguar në Qendrën Emergjente të Kaçanikut ku nga ana e mjekëve kujdestarë është konstatuar se i njëjti kishte ndërruar jetë. Me urdhër të prokurorit të shtetit, i cili ishte në vendin e ngjarjes, trupi i pajetë i viktimës dërgohet për obduksion në Institutin e Mjekësisë Ligjore.