Drejtoria Rajonale e Policisë në Ferizaj ka vazhduar aktivitetet e saja në identifikimin e kundërvajtësve të ndryshëm në komunikacion përmes dronit të policisë .

Njësia Rajonale e Komunikacionit Rrugor ka bërë kontrollimin e komunikacionit përmes dronit të policisë , aksion ky që do të vazhdojë përgjatë gjithë muajit mars 2022 nëpër rrugët magjistrale, rajonale dhe lokale të rajonit të Ferizajt, me qëllim parandalimin e aksidenteve në komunikacion.

Në kuadër të këtyre aktiviteteve policia rajonale brenda 24 orëve të fundit ka shqiptuar këto kundërvajtje:

– Mos respektimi i shpejtësisë së kufizuar, 56 gjoba

– Tejkalim në vije të plotë apo vend të ndaluar, 2 gjoba

– Drejtimi i mjetit pa patentë shofer, 2

– Kalimi i afatatit të regjistrimit , 5 gjoba

– Xhamat e errët, vendosja e foljes ose materialit tjetër, 3 gjoba

– Mos përdorimi i rripit të sigurisë , 27 gjoba

– Përdorimi i telefonit gjatë ngasjes , 24 gjoba

Kundërvajtje tjera, bazuar në ligjet në fushën e trafikut rrugor, 87 gjoba

Heqje e patentë shoferit , 4

-Gjithsej , 206 gjoba

Ndërsa kanë ndodhur 3 aksidente: 2 me lëndime trupore dhe 1 me dëme materiale.

Drejtoria Rajonale e Policisë në Ferizaj, do të vazhdojë me aktivitete të shtuara edhe ne ditët në vijim, me synim parandalimin e aksidenteve në komunikacionin rrugor dhe apelon tek shoferët që të bëjnë kujdes në komunikacionin rrugor.

Ftojmë qytetarët të bashkëpunojnë me policinë.

Për të gjitha kundërvajtjet që mund të shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.

Të dhënat e juaja do të ruhen në konfidencialitet të plotë.