21.06.2022, Gjilan

Drejtoria Rajonale e Policisë në Gjilan, Njësiti i Komunitetit të stacionit policor në Gjilan, në zbatim të Strategjisë së Udhëhequr nga Inteligjenca dhe Policimi në Bashkësi, e bazuar në aktivitetet e parapara nga projekti për parandalimin e aksidenteve në trafik, kanë realizuar aktivitete të planifikuara me nxënës të shkollës fillore “Thimi Mitko” në Gjilan.

Nxënësve dhe kalimtarëve të rastit u janë shpërndarë fletëpalosje me porosi: “Kalimi i rrugës në mënyrë të sigurt në vendkalim për këmbësorë”.

Aktivitetet kanë qenë të koordinuara në konsultim dhe bashkërendim me drejtorinë e shkollës, dhe janë mirëpritur si nga nxënësit ashtu edhe nga stafi i shkollës .

Policia e Kosovës punon dhe vepron për një ambient të qetë dhe të sigurt për të gjithë qytetarët.